ഗൾഫിലേക്ക് ആയിരം സൈനികരെക്കൂടി അയയ്ക്കുമെന്ന് പെന്റഗൺ
വാഷിംഗ്ടൺ ഡിസി: ഇറാനിൽനിന്നുള്ള ഭീഷണി നേരിടാൻ ഗൾഫിലേക്ക് ആയിരം സൈനികരെക്കൂടി അയയ്ക്കുമെന്ന് പെന്റഗൺ അറിയിച്ചു. ഒമാൻ ഉൾക്കടലിൽ ഈയിടെ രണ്ട് എണ്ണക്കപ്പലുകളുടെ നേർക്കു നടന്ന ആക്രമണത്തിനു പിന്നിൽ ഇറാനാണെന്ന് ആവർത്തിച്ച യുഎസ് ഇതു തെളിയിക്കുന്ന പുതിയ വീഡിയോയും ഇന്നലെ പുറത്തുവിട്ടു.
ഇറാനെതിരേ ഏറ്റുമുട്ടലിനു യുഎസ് ആഗ്രഹിക്കുന്നില്ലെന്നും മേഖലയിലെ യുഎസ് താത്പര്യങ്ങൾ സംരക്ഷിക്കുന്നതിനും സുരക്ഷ ഉറപ്പാക്കുന്നതിനും വേണ്ടിയാണ് കൂടുതൽ സൈനികരെ അയയ്ക്കുന്നതെന്നും പെന്റഗൺ യുഎസ് ആക്ടിംഗ് പ്രതിരോധ സെക്രട്ടറി പാട്രിക് ഷാനൻ വ്യക്തമാക്കി.