ഇറാനെതിരേ യുദ്ധത്തിനില്ലെന്നു അമേരിക്കൻ പ്രസിഡന്റ് ഡൊണാൾഡ് ട്രംപ്
Jun 19, 2019, 08:26 IST
വാഷിംഗ്ടൺ ഡിസി: എണ്ണടാങ്കറുകൾക്കു നേരേ നടന്ന ആക്രമണത്തിന്റെ പേരിൽ ഇറാനെതിരേ യുദ്ധത്തിനില്ലെന്നു അമേരിക്കൻ പ്രസിഡന്റ് ഡൊണാൾഡ് ട്രംപ്. എന്നാൽ ഇറാൻ അണ്വായുധം സ്വായത്തമാക്കുന്നതു തടയാൻ തീർച്ചയായും യുദ്ധം ചെയ്യുമെന്നും അദ്ദേഹം വ്യക്തമാക്കി.
ഗൾഫിലേക്ക് ആയിരം സൈനികരെക്കൂടി അയയ്ക്കുമെന്നു പെന്റഗൺ പ്രഖ്യാപിച്ചിരുന്നു. പെന്റഗണും റിപ്പബ്ലിക്കന്മാരും പരസ്യമായി എടുത്ത നിലപാടിനു വിരുദ്ധമാണ് ട്രംപിന്റെ സമീപനം.