സ്ത്രീശരീരം പ്രത്യേുൽപാദന സജ്ജമാകുന്നു എന്നതിൻ്റെ സൂചനയാണ് ആർത്തവം. മാസത്തിൽ ഒരിക്കലാണ് ആർത്തവം കാണുന്നതെങ്കിലും എല്ലാ സ്ത്രീകളിലും ഇത് ഒരേ ക്രമത്തിലാകണമെന്നില്ല. 21 മുതൽ 35 വരെ ദിവസങ്ങൾ ഇടവിട്ട് ആർത്തവമുണ്ടാകുന്നത് നോർമൽ ആയി കണക്കാക്കാം. 28 ദിവസങ്ങള് കൃത്യമായി നീണ്ടുനില്ക്കുന്ന ആര്ത്തവചക്രം അപൂര്വ്വമാണ്. എന്നാല് ചിലര്ക്ക് ഒരു മാസമോ അതില് കൂടുതലോ ആര്ത്തവം ഇല്ലാതിരിക്കാം. ആര്ത്തവം നിലയ്ക്കുന്നത് ഒരിക്കലും രോഗമായി കാണരുത്. മാനസിക സമ്മര്ദ്ദവും ഉത്കണ്ഠയും ആര്ത്തവം മുടങ്ങന്നതിനും വൈകുന്നതിനുമുള്ള കാരണമാണ്.
ക്രമരഹിതമായ ആര്ത്തവം സ്ത്രീകളില് പലരെയും വളരെയധികം അലട്ടുന്ന ശാരീരിക പ്രശ്നമാണ്. പ്രത്യേകിച്ച് മെനോപോസ് അവസ്ഥയിലെത്തിയ സ്ത്രീകള്ക്ക്. ഹോര്മോണ് പ്രശ്നമാണ് പലപ്പോഴും ഇതിന് മുഖ്യകാരണമെങ്കിലും മറ്റു ചില കാരണങ്ങളുമുണ്ടാകാം. പെട്ടെന്ന് ഭാരം കുറയുക, കൂടുതല് വ്യയാമം, അമിതമായ പുകവലി, കാപ്പികുടി, ചിലതരം മരുന്നുകള്, ഉറക്കക്കുറവ്, ടെന്ഷന്, ഭക്ഷണപോരായ്മ എന്നിവ ഇതിന് ചില പ്രധാന കാരണങ്ങളാണ്.
ക്യത്യമായുള്ള ആർത്തവം വരാൻ ഇഞ്ചി കഴിക്കുന്നത് ഏറെ നല്ലതാണ്. ഇഞ്ചി നല്ല പേസ്റ്റ് പോലെ അരച്ച് അൽപം തേൻ ചേർത്ത് കഴിക്കുന്നത് ആർത്തവം ക്യത്യമാകാനും അത് പോലെ ആർത്തവ സമയത്തെ വേദന അകറ്റാനും ഏറെ നല്ലതാണ്. ശരീരത്തിന് മതിയായ പോഷകങ്ങള് ലഭിക്കാതെ വന്നാല് സാധാരണമായ പ്രവര്ത്തനങ്ങളില് തടസ്സം സംഭവിക്കാം. പോഷകങ്ങളുടെ കുറവും പലപ്പോഴും ആര്ത്തവം കൃത്യമല്ലാത്തതിന് കാരണമാകുന്നു. ആര്ത്തവത്തിലേക്ക് നയിക്കുന്ന കാലമാണ് പെരിമെനോപോസ്. ആര്ത്തവ വിരാമത്തിലേക്ക് അടുക്കുമ്പോള് അത് ആര്ത്തവ ചക്രം തെറ്റുന്നതിന് കാരണമാകുന്നു. തൈറോയ്ഡ് സംബന്ധമായ പ്രശ്നങ്ങള് ഉള്ളവരിലും ആര്ത്തവം കൃത്യമായിരിക്കുകയില്ല.