ഷുഹൈബ് വധക്കേസ്; അന്വേഷണം സിബിഐക്ക് വിടേണ്ടതില്ലന്ന് സർക്കാർ ഹൈക്കോടതിയിൽ
Jun 18, 2019, 19:08 IST
കൊച്ചി: ഷുഹൈബ് വധക്കേസിൽ അന്വേഷണം സിബിഐക്ക് വിടേണ്ടതില്ലന്ന് സർക്കാർ ഹൈക്കോടതിയിൽ. പോലിസിന്റെ കുറ്റപത്രത്തിൽ ഹർജിക്കാർക്ക് പോലും ആക്ഷേപം ഇല്ല. സി ബി ഐക്ക് അന്വേഷണം കൈമാറിയനെതിരെ സംസ്ഥാന സര്ക്കാര് സമര്പ്പിച്ച അപ്പീല് ഹര്ജയിലാണ് സർക്കാർ വിശദീകരണം.
കണ്ണൂരിലെ യൂത്ത് കോണ്ഗ്രസ് പ്രവര്ത്തകനായിരുന്ന ഷുഹൈബിനെ കൊലപ്പെടുത്തിയ കേസിലെ അന്വേഷണം ഒരു വര്ഷം മുന്പ് സിംഗിള് ബെഞ്ച് സിബിഐക്ക് വിട്ടിരുന്നു. എന്നാല് അന്വേഷണം പൂര്ത്തിയായതാണെന്നും ഗൂഡാലോചന അടക്കം വിശദമായി അന്വേഷിച്ചതാണെന്നും അതിനാല് കേന്ദ്ര ഏജന്സി വീണ്ടും അന്വേഷിക്കേണ്ടതില്ലെന്നുമാണ് സംസ്ഥാന സര്ക്കാരിന്റെ നിലപാട്. കേസ് നാളത്തേക്ക് മാറ്റി.