വയനാടന് എംപിയായി രാഹുല് ഗാന്ധി നാലാമതും ലോക്സഭാ അംഗമായി സത്യപ്രതിജ്ഞ ചെയ്തു
ന്യൂഡല്ഹി: വയനാടന് എംപിയായി കോണ്ഗ്രസ് അധ്യക്ഷന് രാഹുല് ഗാന്ധി നാലാമതും ലോക്സഭാ അംഗമായി സത്യപ്രതിജ്ഞ ചെയ്തു. സത്യപ്രതിജ്ഞയ്ക്കു മുന്നോടിയായി താന് പുതിയ ഇന്നിംഗ്സിനു തുടക്കം കുറിക്കുകയാണെന്നു രാഹുല് ട്വീറ്റ് ചെയ്തു.
ലോക്സഭാംഗം എന്ന നിലയില് എന്റെ നാലാമത്തെ അവസരമാണിത്. ഇത്തവണ വയനാട് മണ്ഡലത്തെ പാര്ലമെന്റില് പ്രതിനിധീകരിക്കുന്ന താന് സത്യപ്രതിജ്ഞ ചെയ്യുന്നതോടെ ഒരു പുതിയ ഇന്നിംഗ്സിനാണു തുടക്കം കുറിക്കുന്നതെന്നാണ് രാഹുല് ട്വീറ്റ് ചെയ്തത്.
എവിടെ രാഹുല് ഗാന്ധിയെന്ന ചോദ്യമായിരുന്നു ഇന്നലെ പാര്ലമെന്റില്. എതിര്പക്ഷത്തു മാത്രമായിരുന്നില്ല, സ്വന്തം പാര്ട്ടിയിലും ഉയര്ന്ന ആശങ്കകള്ക്കു വിരാമമിട്ടു കേരള അംഗങ്ങള് സത്യപ്രതിജ്ഞ ചെയ്യുന്നതിനു തൊട്ടുമുന്പു കോണ്ഗ്രസ് അധ്യക്ഷന് ലോക്സഭയിലേക്കു വന്നു, പ്രതിപക്ഷത്ത് ഒന്നാം നിരയിലിരുന്നു, എംപിയായി സത്യപ്രതിജ്ഞ ചെയ്തു. പിന്നാലെ ട്വിറ്ററില് പ്രഖ്യാപനവും വന്നു: വയനാടിനെ പ്രതിനിധീകരിച്ചു ലോക്സഭയില് പുതിയ ഇന്നിങ്സ് തുടങ്ങിയിരിക്കുന്നു.
പതിനേഴാം ലോക്സഭയുടെ ആദ്യ സമ്മേളനത്തില് സത്യപ്രതിജ്ഞയ്ക്ക് എത്തുന്നതിനു മുന്പേ രാഹുല് തന്റെ വസതിയില് അമ്മ സോണിയ ഗാന്ധിയുമായും സഹോദരി പ്രിയങ്ക ഗാന്ധിയുമായും കൂടിക്കാഴ്ച നടത്തി. രാഹുല് ഗാന്ധിയുടെ വയനാട് ട്വിറ്റര് ഹാന്ഡിലിലും അദ്ദേഹം സത്യപ്രതിജ്ഞ ചെയ്യുന്ന വീഡിയോ ദൃശ്യം പോസ്റ്റ് ചെയ്തിരുന്നു.