ഇസ്രേലി പ്രധാനമന്ത്രി നെതന്യാഹുവിന്‍റെ ഭാര്യ സാറായ്ക്ക് കോടതി 15,000 ഡോളര്‍ പിഴയിട്ടു
ജറുസലം: ഇസ്രേലി പ്രധാനമന്ത്രി നെതന്യാഹുവിന്‍റെ ഭാര്യ സാറായ്ക്ക് കോടതി 15,000 ഡോളര്‍ പിഴയിട്ടു. വീട്ടില്‍ പാചകക്കാരനുണ്ടായിട്ടും പുറത്തുനിന്ന് വന്‍തുക മുടക്കി ഭക്ഷണം വാങ്ങിയെന്നാണ് കേസ്. ഈയിനത്തില്‍ ഖജനാവിന് ഒരു ലക്ഷത്തിലധികം ഡോളര്‍ അധികച്ചെലവുണ്ടായി. ജറുസലമിലെ വന്‍കിട ഇറ്റാലിയന്‍, സുഷി റസ്റ്റോറന്‍റുകളില്‍നിന്നാണ് നിയമവിരുദ്ധമായി ഭക്ഷണം ഓര്‍ഡര്‍ ചെയ്തത്. സാറാ കുറ്റം സമ്മതിച്ചതിനാല്‍ ചെറിയ ശിക്ഷ നല്‍കി കേസ് തീര്‍ക്കുകയായിരുന്നു.
