പെരിന്തൽമണ്ണയിൽ കൊവിഡ് രോഗിയെ പീഡിപ്പിച്ച ആംബുലൻസ് അറ്റൻഡർ റിമാൻഡിൽ
May 15, 2021, 19:07 IST
മലപ്പുറം: പെരിന്തൽമണ്ണയിൽ കൊവിഡ് രോഗിയെ പീഡിപ്പിക്കാൻ ശ്രമിച്ച ആംബുലൻസ് അറ്റൻഡർ റിമാൻഡിൽ പരാതി. വണ്ടൂർ സ്വദേശിയായ യുവതിയെയാണ് സ്വകാര്യ ആംബുലൻസിലെ അറ്റൻഡർ പീഡനത്തിന് ഇരയാക്കിയത്. യുവതിയുടെ പരാതിയുടെ അടിസ്ഥാനത്തിൽ പെരിന്തൽമണ്ണ പൊലീസ് കേസെടുത്ത് പുലാമന്തോൾ സ്വദേശി പ്രശാന്തിനെ നേരത്തെ കസ്റ്റഡിയിലെടുത്തിരുന്നു. കഴിഞ്ഞ മാസം 27നാണ് കേസിനാസ്പദമായ സംഭവം. കൊവിഡ് രോഗിയായ യുവതിയെ സ്കാനിങ് നടത്താൻ കൊണ്ടു പോകുന്നതിനിടയിലാണ് ആംബുലൻസ് അറ്റൻഡറായ പ്രതി പീഡിപ്പിക്കാൻ ശ്രമിച്ചത്. കൊവിഡിനൊപ്പം ന്യുമോണിയയും ബാധിച്ച് പ്രതികരിക്കാൻ പോലുമാവാത്ത ആരോഗ്യനിലയിലായിരുന്നുവെന്നും ഇക്കാരണത്താലാണ് പരാതി നല്കാന് വെെകിയതെന്നും യുവതി പരാതിയില് വ്യക്തമാക്കുന്നു.