തിരുവനന്തപുരത്ത് യുവാവിനെ വെട്ടിക്കൊലപ്പെടുത്തിയ സംഭവം; ഒളിവിലായിരുന്ന ആറ് പ്രതികൾ അറസ്റ്റിൽ
ആറ്റിങ്ങൽ: കടയ്ക്കാവൂരിൽ ക്രിമിനൽ കേസ് പ്രതിയായ യുവാവിനെ വെട്ടിക്കൊലപ്പെടുത്തിയ കേസിൽ ഒളിവിലായിരുന്ന ആറ് പ്രതികള്‍ കൂടി പിടിയിൽ. കവലിയൂര്‍ കൊടിതൂക്കികുന്ന് ജോളി ഭവനില്‍ ജോണ്‍ (29), ജോസ് (35), സുജിത ഭവനില്‍ സുരേഷ് (46), കാട്ടുവിള വീട്ടില്‍ സുഭാഷ് (44), മേലെവിള വീട്ടില്‍ റീജു (37), കുളമുട്ടം മുട്ടുകോണം ചരുവിളവീട്ടില്‍ അജിത് (35) എന്നിവരാണ് പിടിയിലായത്. പെരുംകുളം മിഷന്‍ കോളനി കല്ലറതോട്ടം വീട്ടില്‍യെ കഴിഞ്ഞ ഒമ്പതിന് വീട്ടിലേക്കുള്ള വഴിയിലിട്ട് വെട്ടിക്കൊന്നത്.നാലുപ്രതികളെ കഴിഞ്ഞ ദിവസം പോലീസ് പിടികൂടിയിരുന്നു. ഡിവൈ.എസ്.പി ബാബുകുട്ടന്‍, എസ്.എച്ച്.ഒ ജയപ്രകാശ്, എസ്.ഐ ശ്യാം മഹീന്‍, സി.പി.ഒമാരായ ജ്യോതിഷ്, ഡീന്‍, ഗിരീഷ്, സന്തോഷ്, ബിനോജ്, ശ്രീകുമാർ, സുജിത്ത്, ജയകൃഷ്ണന്‍ എന്നിവര്‍ ചേര്‍ന്നാണ് പ്രതികളെ കസ്റ്റഡിയിലെടുത്തത്. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
