തെക്കുകിഴക്കന് അറബിക്കടലിൽ രൂപം കൊണ്ട ന്യൂനമർദം തീവ്ര ന്യൂനമർദ്ദമായി ; മുന്നറിയിപ്പ് നൽകി കാലാവസ്ഥാവകുപ്പ്
തിരുവനന്തപുരം: തെക്കുകിഴക്കന് അറബിക്കടലിൽ രൂപം കൊണ്ട ന്യൂനമർദം തീവ്ര ന്യൂനമർദ്ദമായെന്ന് മുന്നറിയിപ്പ് നൽകി കാലാവസ്ഥാവകുപ്പ്. ശനിയാഴ്ച പുലർച്ചയോടെ കർണാടക തീരത്ത് ടൗട്ടേ ചുഴലിക്കാറ്റാകും. സംസ്ഥാനത്തെ ബാധിക്കില്ലെങ്കിലും വടക്കൻ കേരളത്തിൽ ചുഴലിക്കാറ്റിന്റെ സ്വാധീനം ഉണ്ടാവുമെന്നും കാലാവസ്ഥാവകുപ്പ് അറിയിച്ചു .
തീരത്തിനോടടുത്തു രൂപപ്പെടുന്നതിനാൽ മധ്യ-വടക്കൻ കേരളത്തിൽ ഇതിന്റെ അലയൊലികൾ ശക്തമാകുമെന്നും വ്യക്തമാക്കി . തിരുവനന്തപുരം, കൊല്ലം, പത്തനംതിട്ട ജില്ലകളിൽ വീണ്ടും റെഡ് അലർട്ട് പ്രഖ്യാപിച്ചിട്ടുണ്ട്. എറണാകുളത്തും ഇന്ന് റെഡ് അലർട്ട് പ്രഖ്യാപിച്ചിട്ടുണ്ട്.