മെഡിക്കല്‍ ഉപകരണങ്ങളും മരുന്നുകളുമായി യൂറോപ്യന്‍ യൂണിയന്‍ വിമാനം ഇന്ത്യയിലെത്തി
ന്യുഡൽഹി: കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തിൽ ഇന്ത്യയിലേക്ക് യൂറോപ്യന്‍ യൂണിയന്‍ മെഡിക്കല്‍ സഹായം എത്തിച്ചു. യൂറോപ്യന്‍ യൂണിയന്‍ വെന്‍റിലേറ്ററുകളും റെംഡെസിവിറും മെഡിക്കല്‍ ഉപകരണങ്ങളും കയറ്റിയയച്ച വിമാനം ഡല്‍ഹിയില്‍ എത്തി. ജര്‍മനിയില്‍ നിന്നുള്ള 223 വെന്‍റിലേറ്ററുകളും, 25,000 റെംഡെസിവിര്‍ മരുന്നുകുപ്പികളും, നെതര്‍ലാന്‍ഡില്‍ നിന്നുള്ള 30,000 റെംഡെസിവിര്‍ കുപ്പികളും, പോര്‍ച്ചുഗലില്‍ നിന്ന് 5,500 റെംഡെസിവിര്‍ കുപ്പികളും അടങ്ങിയ വിമാനമാണ് ഡൽഹിയിൽ എത്തിയത്. സഹായം തുടരുമെന്ന് യൂറോപ്യന്‍ യൂണിയന്‍ മന്ത്രാലയ വക്താവ് അരിന്‍ഡം ബഗ്ചി അറിയിച്ചു.
