യു എ ഇയിൽ 1512 പേർക്ക് കോവിഡ്
May 13, 2021, 17:00 IST
അബു ദാബി: യു എ ഇയിൽ 1512 പേർക്ക് കോവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. ഏപ്രിൽ 27 -നു ശേഷം രാജ്യത്തെ പ്രതിദിന കേസുകൾ രണ്ടായിരത്തിനും താഴെയാണ്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 5,42,158 ആയി. കഴിഞ്ഞ 24 മണിക്കൂറിനിടെ 1474 പേർ കൂടി രോഗമുക്തരായി.
ഇതോടെ കോവിഡിൽ നിന്നും മുക്തി നേടിയത് 5,22,356 ആണ്. കോവിഡ് മൂലം നാല് മരണം കൂടി സ്ഥിരീകരിച്ചു. ഇതോടെ ആകെ മരണസംഖ്യ 1623 ആയി. 18,179 സജീവ കേസുകൾ നിലവിൽ രാജ്യത്ത് ഉണ്ട്. 2,12,212 ടെസ്റ്റുകളിൽ നിന്നുമാണ് പുതിയ രോഗികളെ കണ്ടെത്തിയത്.