കുപ്രസിദ്ധ ഗുണ്ട പുഞ്ചിരി വിനോദ് കാപ്പാ നിയമപ്രകാരം അറസ്റ്റിൽ
തിരുവനന്തപുരം : തിരുവനന്തപുരത്തെ കുപ്രസിദ്ധ ഗുണ്ട പുഞ്ചിരി വിനോദിനെ കാപ്പാ നിയമ പ്രകാരം അറസ്റ്റ് ചെയ്തു .പുഞ്ചിരി വിനോദ് എന്ന മണക്കാട് നെടുങ്കാട് തളിയല് കുളത്തറവീട്ടില് വിനോദ് (38) ആണ് അറസ്റ്റിലായത്. ഐ.ജി.പിയും തിരുവനന്തപുരം സിറ്റി െപാലീസ് കമീഷണറുമായ ബല്റാം കുമാര് ഉപാധ്യായ അറിയിച്ചു. ഇയ്യാൾ ജില്ലയിലെ കരമന, പൂജപ്പുര, ഫോര്ട്ട്, നേമം തുടങ്ങി വിവിധ െപാലീസ് സ്റ്റേഷനുകളിലെ നിരവധി ക്രിമിനല് കേസുകളില് പ്രതിയും കുപ്രസിദ്ധ ഗുണ്ട സോജുവിന്റെ കൂട്ടാളിയുമാണ് .
ഗുണ്ടാ നിയമപ്രകാരം മൂന്ന് പ്രാവശ്യം തടങ്കല് ശിക്ഷ അനുഭവിച്ച് ജയില്മോചിതനായ ശേഷവും 2020ല് പാപ്പനംകോട് സ്വദേശിയെ ആക്രമിച്ച് പണം പിടിച്ചുപറിച്ച കേസിലും എറണാകുളം സ്വദേശിയായ സ്ത്രീയോട് അപമര്യാദയായി പെരുമാറിയ കേസിലും കൂടാതെ ഫോര്ട്ട് പോലീസ് സ്റ്റേഷന് പരിധിയിലെ സ്വദേശിനിയുടെ വീട്ടില് അതിക്രമിച്ച് കയറി പണവും സ്വര്ണാഭരണങ്ങളും അപഹരിച്ച് പീഡിപ്പിക്കാന് ശ്രമിച്ച കേസുകളിലെയും മുഖ്യ പ്രതിയാണ് ഇയ്യാൾ .