കോവിഷീൽഡ് വാക്സിൻ രണ്ടാം ഡോസ് 12 മുതൽ 16 ആഴ്ച വരെ ദീർഘിപ്പിക്കണമെന്ന് വിദഗ്ധ സമിതി
May 13, 2021, 13:18 IST
ന്യൂഡൽഹി: കോവിഷീൽഡ് വാക്സിൻ രണ്ടാം ഡോസ് 12 മുതൽ 16 ആഴ്ച വരെ ദീർഘിപ്പിക്കണമെന്ന് വിദഗ്ധ സമിതി. കോവിഷീൽഡ് വാക്സിൻ രണ്ടാം ഡോസ് ഇത്രയധികം ആഴ്ചകൾ കഴിഞ്ഞ് സ്വീകരിച്ചാൽ ശരീരത്തിലെ പ്രതിരോധശക്തി കൂടുതൽ മെച്ചപ്പെടുമെന്നാണ് വിലയിരുത്തൽ. നിലവിൽ കോവിഡ് വാക്സിൻ ആദ്യ ഡോസ് സ്വീകരിച്ചവർ 28 -ാം ദിവസം രണ്ടാം ഡോസ് സ്വീകരിക്കണമെന്നായിരുന്നു മാർഗനിർദേശം. അതേസമയം, കോവിഡ് രോഗം ബാധിച്ച് മുക്തിനേടിയവർ ആറുമാസത്തിന് ശേഷം കുത്തിവയ്പ് മതിയെന്നും നിർദേശമുണ്ട്.