ഫ്രാന്‍ വില്‍സണിന്റെ തകര്‍പ്പന്‍ ക്യാച്ച്‌; ആഘോഷമാക്കി ക്രിക്കറ്റ് ലോകം
Jun 14, 2019, 20:00 IST
ലണ്ടന്‍: ഇംഗ്ലീഷ് വനിതാ ക്രിക്കറ്റ് താരം ഫ്രാന്‍ വില്‍സണാണ് ഇപ്പോള്‍ ക്രിക്കറ്റ് ലോകത്തെ ചര്‍ച്ച വിഷയം. വെസ്റ്റ്‌ഇന്‍സീസ് താരം ഹെയ്ലി മാത്യൂസിനെ പുറത്താക്കാന്‍ വില്‍സണ്‍ പറന്നെടുത്ത ക്യാച്ചാണ് സാമൂഹ്യമാധ്യമങ്ങളില്‍ വൈറലാകുന്നത്.
വിന്‍ഡീസിനെതിരായ മൂന്നാമത്തേയും അവസാനത്തേയും ഏകദിനത്തിലായിരുന്നു വില്‍സന്‍റെ പറക്കും ക്യാച്ച്‌. ചെംസ്ഫോര്‍ഡില്‍ നടന്ന മത്സരത്തിന്‍റെ രണ്ടാം ഓവറിന്‍റെ അവസാന പന്ത് കവറിലൂടെ അടിച്ചകറ്റിയ മാത്യൂസിന്‍റെ ഷോട്ട് ഇടതുവശത്തേക്ക് പറന്നു ചാടിയ വില്‍സന്‍റെ കൈയില്‍ പന്ത് ഭദ്രമായി ഒതുങ്ങി. മത്സരം 135 റണ്‍സിന് ഇംഗ്ലണ്ട് വിജയിച്ചു.
