വിവാഹവാഗ്ദാനം നല്കി പീഡിപ്പിച്ചെന്ന് പരാതി ;ഒടുവിൽ യുവതിയെ എംഎല്എ വിവാഹം കഴിച്ചു
ത്രിപുരയിൽ വിവാഹവാഗ്ദാനം നൽകി പീഡിപ്പിച്ചെന്നു പരാതി നൽകിയ യുവതിയെ ഒടുവിൽ എംഎൽഎ തന്നെ വിവാഹം ചെയ്തു. ത്രിപുരയിലെ ഭരണകക്ഷിയായ ഐപിഎഫ്ടി എംഎൽഎ ധനഞ്ജയ് ത്രിപുരയാണ് തനിക്കെതിരേ പീഡന പരാതിനൽകിയ യുവതിയെത്തന്നെ വേളി കഴിച്ചത്.
മേയ് 20നാണ് പീഡനത്തിനെതിരെ യുവതി അഗർത്തല പോലീസിൽ പരാതി നൽകിയത്. എംഎൽഎ വിവാഹ വാഗ്ദാനം നൽകി പീഡിപ്പിച്ചെന്നും എന്നാൽ, ഇപ്പോൾ വിവാഹം കഴിക്കാൻ തയാറല്ലെന്നുമായിരുന്നു യുവതിയുടെ പരാതി. ഇതേത്തുടർന്ന് പോലീസ് റിമവാലി എംഎൽഎയായ ധനഞ്ജയ് ത്രിപുരയ്ക്കെതിരേ കേസെടുത്തു. അതെ സമയം എംഎൽഎയുടെ മുൻകൂർ ജാമ്യാപേക്ഷ ത്രിപുര ഹൈക്കോടതി തള്ളുകയും ചെയ്തു. ഒടുവിൽ പാർട്ടി ഇടപെട്ട് കേസ് ഒത്തു തീർപ്പാക്കുകയും യുവതിയുമായുള്ള വിവാഹത്തിന് എംഎൽഎ സമ്മതിക്കുകയുമായിരുന്നു .