രാജ്യത്ത് ഇത് ആദ്യമായി മൃഗങ്ങളിൽ കോവിഡ് സ്ഥിരീകരിച്ചു; ഹൈദരാബാദിൽ എട്ട് സിംഹങ്ങൾക്ക് രോഗബാധ
May 4, 2021, 16:59 IST
ഹൈദരാബാദ്: മൃഗശാലയിലെ എട്ട് ഏഷ്യൻ സിംഹങ്ങളിൽ കോവിഡ് സ്ഥിരീകരിച്ചു. നെഹ്റു സുവോളജിക്കൽ പാർക്കിലെ സിംഹങ്ങൾക്കാണ് കോവിഡ് ബാധിച്ചത്. സിംഹങ്ങളിൽ കോവിഡ് ലക്ഷണങ്ങൾ പ്രകടിപ്പിച്ച് തുടങ്ങിയതോടെയാണ് ശ്രവ സാമ്പിൾ ശേഖരിച്ച് പരിശോധന നടത്തിയത്. രാജ്യത്ത് ഇത് ആദ്യമായാണ് മൃഗങ്ങളിൽ കോവിഡ് സ്ഥിരീകരിക്കുന്നത്. മൃഗശാല സൂക്ഷിപ്പുകാരിൽ നിന്നാവാം രോഗം പകർന്നതെന്നാണ് നിഗമനം.