chem

സകല മണ്ഡലങ്ങളിലും ഓടിനടന്ന് സ്ഥാനാർത്ഥികളെ തോൽപ്പിക്കാൻ പറ്റോ സക്കീർ ബായിക്ക് ..? ബട്ട് ഐ ക്യാന്‍’ ; സാമൂഹിക മാധ്യമങ്ങളില്‍ ‘മാന്‍ഡ്രേക്കായി’ മാറിയ പിഷാരടിയെ ട്രോളി സോഷ്യല്‍ മീഡിയ

നിയമസഭ തെരഞ്ഞെടുപ്പില്‍ പല സ്ഥാനാർഥികൾക്കായും സിനിമാ താരമായ പിഷാരടി പ്രചരണത്തിന് എത്തിയിരുന്നു .അതെസമയം താരമെത്തിയ എല്ലാ മണ്ഡലങ്ങളിലെയും യുഡിഎഫ് സ്ഥാനാര്‍ത്ഥികള്‍ പരാജയപ്പെട്ടെന്നാണ് ട്രോള്‍. ബാലുശ്ശേരി, തിരുവനന്തപുരം, അരുവിക്കര, തൃത്താല, താനൂര്‍, ഗുരുവായൂര്‍ എന്നിവിടങ്ങളിലാണ് പിഷാരടി പ്രചരണത്തിനായി എത്തിയിരുന്നത് . അതെസമയം ഇവിടങ്ങളില്‍ എല്ലാം തന്നെ കോണ്‍ഗ്രസ് സ്ഥാനാര്‍ത്ഥികള്‍ ദയനീയമായി പരാജയപ്പെടുകയായിരുന്നു .ഇതേ തുടർന്ന് സാമൂഹിക മാധ്യമങ്ങളില്‍ മാന്‍ഡ്രേക്കായി പിഷാരാടി മാറി. കൂടാതെ സംവിധായകന്‍ എംഎ നിഷാദ് ഉള്‍പ്പെടെയുള്ളവര്‍ ട്രോള്‍ പങ്കുവെച്ചിട്ടുണ്ട്.

സുഹൃത്തും ബാലുശ്ശേരിയിലെ കോണ്‍ഗ്രസ് സ്ഥാനാര്‍ത്ഥിയുമായിരുന്ന ധര്‍മ്മജന്റെ പ്രചരണത്തില്‍ പിഷാരടി ഉണ്ടായിരുന്നു . ചെന്നിത്തലയുടെ കേരളയാത്രയിലും പിഷാരടി ഭാഗമായിരുന്നു. കൂടാതെ വി എസ് ശിവകുമാര്‍, ശബരീനാഥ്, പി കെ ഫിറോസ്, വി ടി ബല്‍റാം, കെഎന്‍എ ഖാദര്‍ എന്നിവര്‍ക്ക് വേണ്ടിയും പിഷാരടി വോട്ട് അഭ്യര്‍ത്ഥന നടത്തി. അരുവിക്കരയില്‍ അട്ടിമറി വിജയമാണ് ഇടതുമുന്നണി നേടിയത്. കെ സ് ശബരിനാഥനെ എല്‍ഡിഎഫ് സ്ഥാനാര്‍ത്ഥി ജി സ്റ്റീഫന്‍ പരാജയപ്പെടുത്തി. ‘എല്ലാ മണ്ഡലങ്ങളിലും ഓടി നടന്ന് തോല്‍പ്പിക്കാനാകുമോ സക്കീര്‍ ഭായിക്ക്?, ബട്ട് ഐ ക്യാന്‍ എന്ന തലകെട്ടോടു കൂടിയുള്ള പോസ്റ്റുകളാണ് വൈറലായത് .

 

 

You might also like
Leave A Reply

Your email address will not be published.