ത്രിപുരയില്‍ വിവാഹവാഗ്ദാനം നല്‍കി പീഡിപ്പിച്ചെന്നു പരാതി നല്‍കിയ യുവതിയെ ഒടുവില്‍ എംഎല്‍എ തന്നെ വിവാഹം ചെയ്തു
അഗര്‍ത്തല: ത്രിപുരയില്‍ വിവാഹവാഗ്ദാനം നല്‍കി പീഡിപ്പിച്ചെന്നു പരാതി നല്‍കിയ യുവതിയെ ഒടുവില്‍ എംഎല്‍എ തന്നെ വിവാഹം ചെയ്തു. ത്രിപുരയിലെ ഭരണകക്ഷിയായ ഐപിഎഫ്ടി എംഎല്‍എ ധനഞ്ജയ് ത്രിപുരയാണ് തനിക്കെതിരേ പീഡന പരാതിനല്‍കിയ യുവതിയെത്തന്നെ വേളി കഴിച്ചത്.
മേയ് 20നാണ് പീഡനത്തിനെതിരെ യുവതി അഗര്‍ത്തല പോലീസില്‍ പരാതി നല്‍കിയത്. എംഎല്‍എ വിവാഹ വാഗ്ദാനം നല്‍കി പീഡിപ്പിച്ചെന്നും എന്നാല്‍, ഇപ്പോള്‍ വിവാഹം കഴിക്കാന്‍ തയാറല്ലെന്നുമായിരുന്നു യുവതിയുടെ പരാതി. ഇതേത്തുടര്‍ന്ന് പോലീസ് റിമവാലി എംഎല്‍എയായ ധനഞ്ജയ് ത്രിപുരയ്ക്കെതിരേ കേസെടുത്തു. അതെ സമയം എംഎല്‍എയുടെ മുന്‍കൂര്‍ ജാമ്യാപേക്ഷ ത്രിപുര ഹൈക്കോടതി തള്ളുകയും ചെയ്തു. ഒടുവില്‍ പാര്‍ട്ടി ഇടപെട്ട് കേസ് ഒത്തു തീര്‍പ്പാക്കുകയും യുവതിയുമായുള്ള വിവാഹത്തിന് എംഎല്‍എ സമ്മതിക്കുകയുമായിരുന്നു .
