ജിദ്ദ: സൗദിയിൽ കുടുംബ സന്ദർശക വിസ പുതുക്കാൻ ആരോഗ്യ ഇൻഷുറൻസ് നിർബന്ധമെന്ന് പാസ്പോർട്ട് ഡയറക്ടറേറ്റ് ആവർത്തിച്ച് വ്യക്തമാക്കി. ട്വിറ്ററിലൂടെയാണ് ഇക്കാര്യം അറിയിച്ചത്. അബ്ഷിർ പോർട്ടൽ വഴി ഫാമിലി വിസിറ്റ് വിസ പുതുക്കാൻ അപേക്ഷിക്കുന്നവർ ആരോഗ്യ ഇൻഷുറൻസ് ഉറപ്പുവരുത്തണമെന്ന് നേരത്തെ പാസ്പോർട്ട് ഡയറക്ടറേറ്റ് വ്യക്തമാക്കിയിരുന്നു.
ഇൻഷുറൻസ് ഉറപ്പുവരുത്താൻ ദേശീയ ഇൻഫർമേഷൻ സെൻററും കോ ഒാപറേറ്റീവ് ഹെൽത്ത് ഇൻഷുറൻസ് കൗൺസിലുമായി സഹകരിച്ച് ആവശ്യമായ നടപടികൾ നേരത്തെ പൂർത്തിയാക്കിയിട്ടുണ്ടെന്നും ഡയരക്ടേററ്റ് കൂട്ടിച്ചെർത്തു .
