കാസർഗോട്ട് പുഴയിൽ കുളിക്കാനിറങ്ങിയ മൂന്നു പേരിൽ രണ്ടു പേർ മരിച്ചു; ഒരാൾക്കു വേണ്ടി തെരച്ചിൽ തുടരുന്നു
Apr 26, 2021, 20:50 IST
കാസർഗോഡ്: പുഴയിൽ കുളിക്കാനിറങ്ങിയ രണ്ട് യുവാക്കൾ മുങ്ങി മരിച്ചു. ഒപ്പമുണ്ടായിരുന്ന ഒരാൾക്കു വേണ്ടി തെരച്ചിൽ തുടരുന്നു. കുമ്പള ആരിക്കാടിയിലെ പുഴയിൽ കുളിക്കാനിറങ്ങിയ കർണാടക സ്വദേശികളായ യുവാക്കളാണ് മരിച്ചത്.മൂന്നുപേരും ഒഴുക്കിൽപ്പെടുകയും, തുടർന്ന് സംഭമറിഞ്ഞെത്തിയ മത്സ്യത്തൊഴിലാളികൾ നടത്തിയ തെരച്ചിലിൽ രണ്ടു പേരുടെ മൃതദേഹം കണ്ടെത്തുകയുമായിരുന്നു.കുമ്പളയിൽ ഒരു വിവാഹത്തിന് പങ്കെടുക്കാൻ എത്തിയവരാണ് ഇവർ. മൂന്നാമനെ കണ്ടെത്താനുള്ള ശ്രമം തുടരുകയാണ്.