മമത ബാനര്ജിയും ബിജെപി നേതാക്കളും തമ്മിലുള്ള വാക്പോര് തുടരുന്നു
ന്യൂഡല്ഹി: പശ്ചിമബംഗാള് മുഖ്യമന്ത്രി മമത ബാനര്ജിയും ബിജെപി നേതാക്കളും തമ്മിലുള്ള വാക്പോര് തുടരുന്നു. ഭരണഘടനയെപ്പോലും മാനിക്കാത്ത ഭരണമാണ് മമത കാഴ്ചവയ്ക്കുന്നത് എന്ന് കേന്ദ്രമന്ത്രി ഗിരിരാജ് സിംഗ് കുറ്റപ്പെടുത്തി. ജനങ്ങള്ക്ക് മമതയുടെ ഭരണം മടുത്തു തുടങ്ങിയിരിക്കുന്നു. അവര് മമതയെ തള്ളിക്കളയുകയാണ്. അതിന്റെ ആദ്യ പടിയാണ് ലോക്സഭാ തെരഞ്ഞെടുപ്പില് ജനങ്ങള് നല്കിയ കനത്ത തിരിച്ചടിയെന്നും മന്ത്രി കൂട്ടിച്ചേര്ത്തു.
രാജ്യത്തിന്റെ പ്രധാനമന്ത്രിയെ പ്രധാനമന്ത്രിയായി അംഗീകരിക്കാന് മമത തയറാകുന്നില്ല. ഇന്ത്യയില് നിലനില്ക്കുന്ന വ്യവസ്ഥകള്ക്കുള്ളില് നിന്ന് പ്രവര്ത്തിക്കണമെന്നും മമതയ്ക്കില്ല- ഗിരിരാജ് സിംഗ് പറഞ്ഞു.