ചുള ഒന്നിന് 5രൂപ, ചക്ക ഒന്നിന് 100 മുതല്‍ 200രൂപ വരെ; വാർക്ക ചക്കക്ക് തമിഴ്‌നാട്ടില്‍ പൊന്നുംവില.!
Apr 13, 2021, 20:19 IST
ചെന്നൈ: കേരളത്തിലെ വരിക്കച്ചക്കയ്ക്കു തമിഴ്‌നാട്ടില്‍ വൻ ഡിമാൻഡ്. ചുള ഒന്നിന് 5 രൂപ മുതലാണ് വില. ഒരു വരിക്കച്ചക്കയ്ക്ക് 100 മുതല്‍ 200 വരെയാണ് വില ഈടാക്കുന്നത്. കമ്പം-തേനി ദേശീയ പാതയോരങ്ങളിലും കൊല്ലം-ചെങ്കോട്ട-തെങ്കാശി ദേശീയ പാതയോരത്തുമാണ് വരിക്കച്ചക്ക കച്ചവടം പൊടിപൊടിക്കുന്നത്. കേരളത്തില്‍ ചരക്ക് ഇറക്കി കാലിയാകുന്ന ലോറികളെല്ലാം ചക്ക നിറച്ചാണു ഇപ്പോള്‍ തിരികെ തമിഴ്‌നാട്ടിലേക്കു എത്തുന്നത്. കേരളത്തില്‍ നിന്നും ചക്ക തമിഴ്‌നാട്ടിലേക്ക് എത്തിക്കാന്‍ പ്രത്യേക സംഘം തന്നെ പ്രവർത്തിക്കുന്നതായാണ് റിപ്പോർട്ട്.
