പാനൂരിൽ കൊല്ലപ്പെട്ട യൂത്ത് ലീഗ് പ്രവർത്തകൻ മൻസൂറിന്റെ വീട് ബിജെപി നേതാക്കൾ സന്ദർശിച്ചു
Apr 13, 2021, 19:07 IST
കണ്ണൂർ: പാനൂരിൽ കൊല്ലപ്പെട്ട യൂത്ത് ലീഗ് പ്രവർത്തകൻ മൻസൂറിന്റെ വീട് ബിജെപി നേതാക്കൾ സന്ദർശിച്ചു. മുൻ സംസ്ഥാന അധ്യക്ഷൻ സി.കെ.പത്മനാഭന്റെ നേതൃത്വത്തിലുള്ള സംഘമാണ് മൻസൂറിന്റെ വീട്ടിലെത്തി ബന്ധുക്കളെ കണ്ടത്.സിപിഎം ഒത്താശയോടെ നടന്ന കൊലപാതകമാണിതെന്നും പ്രതികളെ പോലീസ് സംരക്ഷിക്കുകയാണെന്നും ബിജെപി ആരോപിച്ചു.കഴിഞ്ഞ ദിവസം പ്രതിപക്ഷ നേതാവ് രമേശ് ചെന്നിത്തലയുടെ നേതൃത്വത്തിൽ യുഡിഎഫ് നേതാക്കളും മൻസൂറിന്റെ വീട്ടിലെത്തിയിരുന്നു.