chem

സൗന്ദര്യം കൂട്ടും വെള്ളം!!

ഭക്ഷണത്തെ പോലെ തന്നെ ശരീരത്തിന് വെള്ളവും വളരെ അത്യാവശ്യമാണ്. ആരോഗ്യമുള്ള ശരീരത്തിനും ശാരീരിര പ്രവര്‍ത്തനങ്ങള്‍ ശരിയായി നടക്കാനും വെള്ളം വളരെ അത്യാവശ്യമാണ്.

ആരോഗ്യത്തിനു മാത്രമല്ല, സൗന്ദര്യത്തിനും വെള്ളം സഹായിക്കും. തിളങ്ങുന്ന ചര്‍മത്തിനും മുടിയ്ക്കും ഇത് ഏറെ നല്ലതു തന്നെ.

വെള്ളം ഏതൊക്കെ വിധത്തിലാണ് സൗന്ദര്യത്തെ സംരക്ഷിയ്ക്കുന്നതെന്നു നോക്കൂ,

വെള്ളം ചര്‍മത്തെ മൃദുവാക്കാന്‍ സഹായിക്കും. ചര്‍മത്തിന് ഈര്‍പ്പം നല്‍കും.

മുഖത്ത് ചുളിവുകള്‍ വീഴുന്നതിന്റെ പ്രധാന കാരണം ശരീരത്തില്‍ ജലാംശം കുറയുന്നതാണ്. ഇത് പ്രായക്കൂടുതല്‍ തോന്നിയ്ക്കുകയും ചെയ്യും.

തണുത്ത വെള്ളം കൊണ്ട് കണ്ണുകള്‍ കഴുകി നോക്കൂ. കണ്ണുകളുടെ ആരോഗ്യത്തിന് ഇത് ഏറെ നല്ലതാണ്. കണ്ണുകളുടെ ക്ഷീണം മാറും. തിളക്കമുള്ള കണ്ണുകള്‍ ലഭിയ്ക്കുകയും ചെയ്യും.

മുഖത്ത് സോപ്പോ സ്‌ക്രബറുകളോ ഉപയോഗിച്ചില്ലെങ്കിലും വേണ്ടില്ല. മുഖം നല്ലപോലെ കഴുകുന്നത് ചര്‍മത്തിലെ അഴുക്കകറ്റാനും ചര്‍മത്തിന് സൗന്ദര്യം ലഭിയ്ക്കാനും സഹായിക്കും.

മുഖക്കുരുവിനുള്ള ഒരു പരിഹാരം കൂടിയാണ് വെള്ളം. മുഖം ഇടയ്ക്കിടെ കഴുകുന്നത് മുഖക്കുരു കുറയ്ക്കാന്‍ സഹായിക്കും.

ചര്‍മത്തെ ബലപ്പെടുത്താനുള്ള ഒരു വഴി കൂടിയാണ് വെള്ളം. ഇളം ചൂടുവെളളമുപയോഗിച്ച ആദ്യം മുഖം കഴുകുക. മുഖത്തെ അഴുക്കു നീങ്ങി ചര്‍മസുഷിരങ്ങള്‍ തുറക്കും. തണുത്ത വെള്ളമുപയോഗിച്ച് കഴുകുമ്പോള്‍ തുറന്ന സുഷിരങ്ങള്‍ അടയുകയും ചര്‍മത്തിന് ഇലാസ്റ്റിസിറ്റി ലഭിയ്ക്കുകയും ചെയ്യും.

ചര്‍മത്തെ ബലപ്പെടുത്തുന്നതു വഴി പ്രായക്കൂടുതല്‍ തടയാനുള്ള വഴി കൂടിയാണിത്.

ചുണ്ടുകളുടെ സൗന്ദര്യത്തിനും വെള്ളം വളരെ പ്രധാനമാണ്. ചുണ്ടിന് മാര്‍ദവം ലഭിയ്ക്കുന്നതിനും ചുണ്ടു വരണ്ടുണങ്ങുന്നതിനും നല്ലതാണ്.

ശരീരത്തിലെ അണുക്കളെ നീക്കം ചെയ്ത് ചര്‍മാരോഗ്യത്തെ സംരക്ഷിയ്ക്കാന്‍ നല്ലൊരു കുളി സഹായിക്കും.

വെള്ളം കുറവ് കുടിയ്ക്കുന്നവരുടെ വിയര്‍പ്പിന് അമിതദുര്‍ഗന്ധമുണ്ടാകുന്നത് സാധാരണം. ഇത് ചര്‍മത്തില്‍ അഴുക്കുണ്ടാകാനും വഴിയൊരുക്കും. വെള്ളം കുടിയ്ക്കുന്നത് ഈ പ്രശ്‌നത്തിനൊരു പരിഹാരമാണ്.

You might also like

Comments are closed.