കോവിഡ് വ്യാപനം; ബ്രസീലിനെ പിന്തള്ളി ഇന്ത്യ ലോക രാജ്യങ്ങളുടെ പട്ടികയിൽ രണ്ടാമത്
Apr 13, 2021, 16:53 IST
ന്യൂഡൽഹി: രാജ്യത്ത് 24 മണിക്കൂറിനിടെ 1,68,912 പേർക്കു കോവിഡ് രോഗം സ്ഥിരീകരിച്ചു. രോഗത്തെത്തുടർന്ന് 904 മരിച്ചു. ഇതോടെ രോഗവ്യാപനത്തിൽ ഇന്ത്യ ലോക രാജ്യങ്ങളുടെ പട്ടികയിൽ രണ്ടാം സ്ഥാനത്തെത്തി. മഹാരാഷ്ട്ര, ഉത്തർപ്രദേശ്, ഡൽഹി, ഛത്തീസ്ഗഡ്, കർണാടക, തമിഴ്നാട്, മധ്യപ്രദേശ്, ഗുജറാത്ത്, രാജസ്ഥാൻ, ഹരിയാന എന്നിവിടങ്ങളിലാണ് കോവിഡ് രൂക്ഷമായ തുടരുന്നത്. രാജ്യത്ത് ഇതുവരെ 1,35,27,717 പേർക്ക് രോഗ ബാധയുണ്ടായെന്നാണ് ആരോഗ്യമന്ത്രാലയം അറിയിച്ചത്. സ്ഥിതിഗതികൾ വിലയിരുത്താൻ ഗവർണർമാരുമായി പ്രധാനമന്ത്രിയും ഉപരാഷ്ട്രപതിയും ആശയവിനിമയം നടത്തും.