കോവിഡ് സുരക്ഷമാനദണ്ഡങ്ങൾ പാലിക്കാതെ കുംഭമേളയിൽ പങ്കെടുത്തത് 28ലക്ഷം ഭക്തർ
Apr 13, 2021, 14:51 IST
ഹരിദ്വാർ: കോവിഡ് സുരക്ഷാമാനദണ്ഡങ്ങൾ കാറ്റിൽ പറത്തി ഹരിദ്വാറിലെ കുഭമേള. മേളയുടെ ഭാഗമായി നടന്ന രാജകീയ കുളിയിൽ മാസ്ക് ധരിക്കുകയോ ശാരീരിക അകലം പാലിക്കുകയോ ചെയ്യാതെ 28 ലക്ഷത്തോളം ഭക്തർ പങ്കെടുത്തതിൽ 102 പേർക്ക് കോവിഡ് സ്ഥിരീകരിച്ചു. 18,169 ഭക്തരെ പരിശോധനക്ക് വിധേയമാക്കിയപ്പോഴാണ് 102 പേർക്ക് കോവിഡ് സ്ഥിരീകരിച്ചത്. അതേസമയം, രണ്ടാമത്തെ രാജകീയ കുളി പൂർത്തിയായത് തിങ്കളാഴ്ചയാണ്. ഇതിൽ പങ്കെടുക്കുന്നവർക്കായി ആരോഗ്യവകുപ്പ് നടത്തിയ കോവിഡ് ടെസ്റ്റിന്റെ കണക്കുകളാണ് ഉത്തരാഖണ്ഡ് സർക്കാർ പുറത്തുവിട്ടത്. ജനുവരി പതിനാലിന് ആരംഭിച്ച കുംഭമേള ചടങ്ങുകൾ ഏപ്രിൽ ഇരുപത്തിയേഴിനാണ് അവസാനിക്കുക.