Times Kerala

മാനസിക വെല്ലുവിളി നേരിടുന്ന പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ മൂന്ന് പേർ അറസ്റ്റിൽ

 
മാനസിക വെല്ലുവിളി നേരിടുന്ന പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ മൂന്ന് പേർ അറസ്റ്റിൽ

ചെന്നൈ: മാനസിക വെല്ലുവിളി നേരിടുന്ന പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ മൂന്ന് പേർ അറസ്റ്റിൽ. അതേസമയം, കേസിൽ രണ്ടു പ്രതികൾക്കൂടിയുണ്ടെന്നും ഇവർ ഒളിവിലാണെന്നും പോലീസ് അറിയിച്ചു. പീഡനത്തിന് ഇരയായ പെൺകുട്ടിയുടെ അയൽവാസികളായ ഇവര്‍ കഴിഞ്ഞ ആറുമാസമായി കുട്ടിയെ നിരന്തരം ബലാത്സംഗം ചെയ്യുകയായിരുന്നുവെന്ന് പൊലീസ് അറിയിച്ചു.കടലൂരിലെ തിരുവാണ്ടിപുരത്തെ അമ്മാവന്‍റെ വീട്ടിൽ താമസിക്കുകയായിരുന്നു യുവതി. കൊവിഡ് കാരണം സ്കൂളുകൾ അടച്ചതിനാൽ, കഴിഞ്ഞ കുറച്ച് മാസങ്ങളിൽ കുട്ടി സ്വന്തം വീട്ടിലുണ്ടായിരുന്നു. പെൺകുട്ടി ശാരീരിക അസ്വസ്ഥതകൾ പ്രകടിപ്പിച്ചതോടെയാണ് ഞെട്ടിക്കുന്ന സംഭവത്തെക്കുറിച്ച് രക്ഷകർത്താക്കൾ അറിഞ്ഞത്. പിന്നാലെ അവർ വനിതാ പൊലീസ് സ്റ്റേഷനിൽ പരാതി നൽകി. പെണ്‍കുട്ടി ഇപ്പോള്‍ സര്‍ക്കാര്‍ സംരക്ഷണയിലാണ്. പ്രതികൾക്കെതിരെ പോക്‌സോ അടക്കം ചുമത്തിയിട്ടുണ്ടെന്നും മറ്റ് രണ്ട് പേർക്കായി കൂടുതൽ അന്വേഷണം നടക്കുന്നുണ്ടെന്നും പൊലീസ് അറിയിച്ചു.

Related Topics

Share this story