കിട്ടാനുള്ള പണം ചോദിച്ചെത്തിയ വ്യാപാരിയെ മർദിച്ചതായി പരാതി; ഗുരുതര പരിക്കേറ്റ കോതമംഗലം സ്വദേശി ആശുപത്രിയിൽ
തൊടുപുഴ: കിട്ടാനുള്ള പണം തിരികെ ചോദിച്ച വ്യാപാരിയെ മർദിച്ചതായി പരാതി. കോതമംഗലം പിടവൂർ ചുള്ളിക്കാട്ട് സക്കീറിനാണ് (50) മർദനമേറ്റത്. ഗുരുതര പരിക്കേറ്റ ഇദ്ദേഹത്തെ കോതമംഗലത്ത് സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിച്ചിരിക്കുകയാണ്. തൊടുപുഴ വെങ്ങല്ലൂരിൽ വെള്ളിയാഴ്ചയാണ് സംഭവം. പരാതിക്കാരനായ സക്കീറിന്റെ ബന്ധുവായ അടിമാലി സ്വദേശി ഉമറിൽ നിന്ന് മലഞ്ചരക്ക് ഉൽപന്നങ്ങൾ വാങ്ങിയ വകയിൽ 2,70,000 രൂപ തൊടുപുഴ സ്വദേശി നൽകാനുണ്ട്. ഒരു വർഷത്തോളമായിട്ടും പണം തിരികെ ലഭിക്കാതെ വന്നതോടെ ഇക്കാര്യം സംസാരിക്കാനായി ഇരുവരും തൊടുപുഴയിൽ എത്തുകയായിരുന്നു. ഇതിനിടെ വാക്കുതർക്കം ഉണ്ടാകുകയും പ്രകോപിതനായ ഉമർ സക്കീറിനെ മര്ദിക്കുകയുമായിരുന്നു. സംഭവത്തിൽ സക്കീർ നൽകിയ പരാതിയിൽ തൊടുപുഴ പോലീസ് കേസെടുത്തിട്ടുണ്ട്.