പോലീസ് ഉദ്യോഗസ്ഥയുടെ സമയോചിതമായ ഇടപെടൽ; ബസിൽ മോഷണം നടത്താൻ ശ്രമിച്ച മൂന്നംഗ സംഘം പിടിയിൽ
കൊല്ലം: പോലീസ് ഉദ്യോഗസ്ഥയുടെ സമയോചിതമായ ഇടപെടലിനെ തുടർന്ന്, ബസിൽ മോഷണം നടത്താൻശ്രമിച്ച മൂന്നു സ്ത്രരകൾ പിടിയിലായി. തമിഴ്നാട് തെങ്കാശി സ്വദേശികളായ ബിന്ദു(45), സിന്ധു(40), ഗംഗാദേവി(28) എന്നിവരാണ് അറസ്റ്റിലായത്.ശനിയാഴ്ച രാവിലെയാണ് സംഭവം.രാവിലെ ഒൻപത് മണിയോടെ കൊല്ലത്ത് നിന്നും കെ.എസ്.ആര്.ടി.സി ബസില് കയറിയ സംഘത്തെ ഇതേ ബസിൽ ചാത്തന്നൂര് സ്റ്റേഷനിൽ ഡ്യുട്ടിക്ക് പോകുകയായിരുന്ന പൊലീസ് ഉദ്യോഗസ്ഥ അശ്വതി നിരീക്ഷിച്ചുവരുകയായിരുന്നു. ചാത്തന്നൂര് എത്തിയപ്പോള് ബഹളം സൃഷ്ടിച്ച് മോഷണശ്രമം നടത്താന് സംഘം ശ്രമിക്കുന്നതിനിടെ അശ്വതി വിവരം സ്റ്റേഷനില് അറിയിക്കുകയും ഉടൻ തന്നെ പൊലീസ് സ്ഥലത്തെത്തി മൂവരെയും കസ്റ്റഡിയിലെടുക്കുകയുമായിരുന്നു.
തുടർന്ന് നടത്തിയ ചോദ്യംചെയ്യലില് ഇവര് ആറുമാസമായി കേരളത്തില് മോഷണം നടത്തി വരുകയായിരുന്നെന്ന് പൊലീസിന് വ്യക്തമായി.സംഘത്തിെൻറ പേരില് പാരിപ്പള്ളി സ്റ്റേഷനില് ഒരു മോഷണക്കേസ് നിലവിലുണ്ട്. പരവൂര് കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.