chem

ആയുഷ്മാന്‍ ഭാരത് ഡല്‍ഹിക്കുമേല്‍ അടിച്ചേല്‍പ്പിക്കരുത്; കേന്ദ്ര ആരോഗ്യ മന്ത്രിയോട് അരവിന്ദ് കെജ്‌രിവാള്‍

ന്യൂഡല്‍ഹി: കേന്ദ്ര സര്‍ക്കാറിന്റെ ആരോഗ്യ പദ്ധതിയായ ആയുഷ്മാന്‍ ഭാരത് ഡല്‍ഹിക്കുമേല്‍ അടിച്ചേല്‍പ്പിക്കരുതെന്ന് കേന്ദ്ര ആരോഗ്യ മന്ത്രി ഹര്‍ഷ് വര്‍ധനോട് ദല്‍ഹി മുഖ്യമന്ത്രി അരവിന്ദ് കെജ്‌രിവാള്‍. ഇത് ദല്‍ഹിയിലെ ജനങ്ങളെ പ്രതികൂലമായി ബാധിക്കുമെന്ന് ചൂണ്ടിക്കാട്ടി കെജ്‌രിവാള്‍ കേന്ദ്ര മന്ത്രിക്ക് കത്തയച്ചു.

‘ദല്‍ഹിക്ക് നിലവില്‍ മികച്ച ഒരു ആരോഗ്യ പദ്ധതി  ഉണ്ട്. അത് നിര്‍ത്തലാക്കി പുതിയത് ആരംഭിക്കുന്നത് ആര്‍ക്കും ഗുണം ചെയ്യില്ല. ദല്‍ഹിയിലെ ആരോഗ്യ പദ്ധതി നിര്‍ത്തലാക്കി ആയുഷ്മാന്‍ ഭാരത് നടപ്പിലാക്കിയാല്‍ ദല്‍ഹി നിവാസികളെ അത് പ്രതികൂലമായി ബാധിക്കും’- ഹര്‍ഷ് വര്‍ധന് അയച്ച കത്തില്‍ ദല്‍ഹി മുഖ്യമന്ത്രി വ്യക്തമാക്കുന്നു.

ദല്‍ഹിയുടെ നിലവിലെ ആരോഗ്യ പദ്ധതിയെക്കാള്‍ ആയുഷ്മാന്‍ പദ്ധതിക്ക് എന്തെങ്കിലും മേന്മ അധികമായി ഉണ്ടെന്ന് തോന്നിയാല്‍ അത് തനിക്ക് വ്യക്തമാക്കിത്തരണമെന്നും  അത്തരത്തിലൊന്ന് ഉണ്ടെങ്കില്‍ അത് ദല്‍ഹിയുടെ ആരോഗ്യപദ്ധതിയില്‍ ഉള്‍പ്പെടുത്താന്‍ സര്‍ക്കാര്‍ തയ്യാറാണെന്നും കെജ്‌രിവാള്‍ അറിയിച്ചു. ദല്‍ഹിയുടെ ആരോഗ്യപദ്ധതിയുടെ മികവുകള്‍ അക്കമിട്ട് നിരത്തിക്കാണിച്ച കെജ്‌രിവാള്‍, ആയുഷ്മാന്‍ പദ്ധതിയെക്കാള്‍ പത്തു മടങ്ങ് മികച്ചതാണ് ഇതെന്നും അവകാശപ്പെട്ടു.

‘ആയുഷ് പദ്ധതി അഞ്ചു ലക്ഷം രൂപ വരെയുള്ള ചികിത്സ ചിലവുകളാണ് വഹിക്കുക. എന്നാല്‍ ദല്‍ഹിയുടേത് മുഴുവന്‍ ചികിത്സാ ചിലവുകളും വഹിക്കും. അത് 30 ലക്ഷമോ അതിലധികമോ ആണെങ്കില്‍ പോലും’- കത്തില്‍ പറയുന്നു.

ജീവിത പങ്കാളിയെ തേടുകയാണോ? കേരള മാട്രിമോണിയിൽ രജിസ്ട്രേഷൻ സൗജന്യം!
You might also like

Comments are closed.