Times Kerala

നിയമസഭാ തിരഞ്ഞെടുപ്പ്:കേരളത്തിൽ പോൾ ചെയ്തത് 74.06 % വോട്ട്; തിരഞ്ഞെടുപ്പ് കമ്മീഷൻ

 
നിയമസഭാ തിരഞ്ഞെടുപ്പ്:കേരളത്തിൽ പോൾ ചെയ്തത് 74.06 % വോട്ട്; തിരഞ്ഞെടുപ്പ് കമ്മീഷൻ

തിരുവനന്തപുരം: ഏപ്രിൽ 6-ന് നടന്ന നിയമസഭാ തിരഞ്ഞെടുപ്പിൽ കേരളത്തിൽ ആകെ പോൾ ചെയ്തത് 74.06 % വോട്ടെന്ന് മുഖ്യ തിരഞ്ഞെടുപ്പ് കമ്മീഷൻ.കുന്ദമംഗലത്താണ് ഏറ്റവും കൂടുതൽ പോളിംഗ് നടന്നത്. 81.52% ശതമാനമാണ് പോളിംഗ്. 61.85 ശതമാനവുമായി തിരുവനന്തപുരമാണ് ഏറ്റവും പിന്നിൽ. 2,03,27,893 വോട്ടർമാരാണ് വോട്ട് ചെയ്തത്. 2 കോടി 74 ലക്ഷം വോട്ടർമാരാണ് സംസ്ഥാനത്ത് ആകെയുണ്ടായിരുന്നത്. ഇതിൽ 98,58,832 പുരുഷന്മാരും, 1,04,68,936 സ്ത്രീകളും, 115 ട്രാൻസ്ജൻഡേഴ്‌സും വോട്ട് ചെയ്തു.നേരത്തെ 80 വയസ് പിന്നിട്ടവർക്ക് തപാൽ വോട്ട് ഏർപ്പെടുത്തിയിരുന്നു. മൂന്നര ലക്ഷം പേരാണ് ഇത്തരത്തിൽ പോസ്റ്റൽ വോട്ട് ചെയ്തത്. ഈ കണക്കും, ഒപ്പം സർവീസ് വോട്ടും ചേർത്താണ് നിലവിലെ പോളിംഗ് ശതമാനം കണക്കാക്കിയിരിക്കുന്നത്.അതേസമയം,കഴിഞ്ഞ തവണത്തേക്കാൾ 3.1 ശതമാനം കുറവാണ് ഇത്തവണത്തെ പോളിംഗ്. 2016 ലെ പോളിംഗ് 77.53 ശതമാനമായിരുന്നു.

Related Topics

Share this story