മണലെടുക്കുന്നത് ചോദ്യം ചെയ്തു; യുവാവിനെ തലക്കടിച്ചു പരിക്കേൽപ്പിച്ചു
Apr 10, 2021, 13:07 IST
തൃക്കുന്നപ്പുഴ: മണലെടുക്കുന്നത് ചോദ്യം ചെയ്ത യുവാവിനെ തലക്കടിച്ചു പരിക്കേൽപ്പിച്ചു. പാനൂർ വെളുത്തേടത്ത് പറമ്പിൽ നുജൂമിനാണ് (30) വ്യാഴാഴ്ച രാത്രിയോടെ പാനൂർ പള്ളിമുക്കിൽ വച്ച് മർദ്ദനമേറ്റത്. സംഭവത്തിൽ പാനൂർ പുത്തേത്ത് പടീറ്റതിൽ അജാസിനെതിരെ (32) തൃക്കുന്നപ്പുഴ പൊലീസിൽ പരാതി നൽകി. സഹോദരന്റെ വീടിന് സമീപത്തുനിന്ന് മണ്ണെടുക്കുന്നത് നുജൂം ചോദ്യം ചെയ്തതാണ് അക്രമത്തിന് പ്രേരിപ്പിച്ചത്.പരിക്കേറ്റ നുജൂമിനെ ആലപ്പുഴ മെഡിക്കൽ കോളജിൽ പ്രവേശിപ്പിച്ചു.