മധ്യവയസ്കനെ ദുരൂഹ സാഹചര്യത്തില് മരിച്ച നിലയില് കണ്ടെത്തി ; മക്കള് കസ്റ്റഡിയില്
കല്പറ്റ: മധ്യവയസ്കനെ ദുരൂഹ സാഹചര്യത്തില് മരിച്ച നിലയില് കണ്ടെത്തി. വെങ്ങപ്പള്ളി മാമ്ബിലച്ചി കോളനിയിലെ രാജനെ (51) യാണ് മരിച്ച നിലയിൽ കണ്ടെത്തിയത് . കഴിഞ്ഞ ദിവസം രാത്രി മദ്യപിച്ചെത്തിയ രാജന് ഭാര്യയെ മർദിച്ചിരുന്നു .ഇത് തടയാനായി മക്കള് പിടിച്ചുമാറ്റാന് ശ്രമിച്ചപ്പോൾ കൈയാങ്കളിയിലേക്ക് എത്തുകയായിരുന്നു . ബുധനാഴ്ച രാവിലെയാണ് രാജന് മരിച്ച വിവരം പുറത്തറിയുന്നത്. സംഭവത്തെ തുടർന്ന് കല്പറ്റ പൊലീസ് അന്വേഷണം ആരംഭിച്ചു.കൂടാതെ സംഭവത്തില് രണ്ടു മക്കളെ കസ്റ്റഡിയിലെടുത്തു. പോസ്റ്റ്മോര്ട്ടം റിപ്പോര്ട്ട് വന്നതിനുശേഷമേ മരണകാരണം വ്യക്തമാവുകയുള്ളൂവെന്ന് പൊലീസ് അറിയിച്ചു.