ഇരട്ടവോട്ടിന് ശ്രമിച്ച 12 അംഗ സംഘത്തിനെതിരേ പോലീസ് കേസെടുത്തു
Apr 7, 2021, 16:16 IST
നെടുങ്കണ്ടം: ഉടുമ്പൻചോല മണ്ഡലത്തിൽ വോട്ട് ചെയ്ത ശേഷം തമിഴ്നാട്ടിലേക്ക് വോട്ട് ചെയ്യാൻ പോകുന്നതിനിടെ 12 അംഗ സംഘം പിടിയിലായി. പോളിംഗ് ദിനത്തിൽ ഉച്ചയോടെ കോമ്പയാര് പട്ടത്തിമുക്കില് വച്ച് സംഘം യാത്ര ചെയ്ത വാഹനം കോൺഗ്രസ്-ബിജെപി പ്രവർത്തകർ തടയുകയായിരുന്നു. സംഘത്തിലുണ്ടായിരുന്നവർ വോട്ട് ചെയ്തെങ്കിലും കൈയിൽ പുരണ്ട മഷി കണ്ടിരുന്നില്ല. അതേസമയം, വാഹനം പരിശോധിച്ചപ്പോൾ മഷി മായ്ക്കാൻ ഉപയോഗിച്ച ദ്രാവകം കണ്ടെടുക്കുകയും ചെയ്തു. എട്ട് വനിതകളും ഡ്രൈവർ ഉൾപ്പടെ 5 പുരുഷന്മാരുമാണ് വാഹനത്തിൽ നിന്നും പിടികൂടിയത്. സംഭവത്തെത്തുടർന്ന് ഇവർക്കെതിരെ പോലീസ് കേസെടുത്തു.