കോട്ടയത്ത് ശക്തമായ കാറ്റും മഴയും; പോളിംഗ് ബൂത്തിലേക്ക് വോട്ടര്മാര് എത്തുന്നത് കുറഞ്ഞു ,ആശങ്കയില് മുന്നണികള്
കോട്ടയം: ജില്ലയുടെ വിവിധ മേഖലകളില് ഉച്ചയ്ക്ക് ശേഷം ശക്തമായ കാറ്റും മഴയും മിന്നലും തുടങ്ങി. കടുത്തുരുത്തി, പാലാ, പൂഞ്ഞാര് മണ്ഡലങ്ങളുടെ പ്രദേശങ്ങളിലാണ് ശക്തമായ മഴ . ഇതേതുടര്ന്ന് വോട്ടര്മാര് പോളിംഗ് ബൂത്തിലേക്ക് എത്തുന്നത് കുറഞ്ഞിരിക്കുകയാണ് .അതേസമയം ഈ സാഹചര്യം പോളിംഗ് കുറയ്ക്കുമോ എന്ന ആശങ്കയിലാണ് മുന്നണികള്. പോരാട്ടം നടക്കുന്ന പാലാ, പൂഞ്ഞാര് മണ്ഡലങ്ങളിലെ സ്ഥാനാര്ഥികളും മുന്നണികളുമാണ് ആശങ്കയിലായിരിക്കുന്നത്. ജില്ലയിലൂടനീളം ശക്തമായ മഴയ്ക്ക് വീണ്ടും സാധ്യതയുണ്ടെന്നാണ് സൂചനകൾ .