കാഷ്മീരിൽ ഭീകരാക്രമണത്തിൽ ജവാന് വീരമൃത്യു
ശ്രീനഗർ: ജമ്മു കശ്മീരിലെ അനന്ത്നാഗിൽ ഈദ് അവധി ആഘോഷിക്കാനെത്തിയ സൈനികനെ തീവ്രവാദികൾ വെടിവച്ച് കൊന്നു. അനന്ത്നാഗ് ജില്ലയിലാണ് സംഭവം. സദൂര ഗ്രാമത്തിൽ വൈകിട്ടോടെയാണ് സംഭവം. അനന്ത് നാഗ് സ്വദേശിയായ മൻസൂർ അഹമ്മദ് ബെയ്ഗാണ് തീവ്രവാദികളുടെ വെടിയേറ്റ് മരിച്ചത്. ടെറിട്ടോറിയൽ ആർമിയിൽ ഉദ്യോഗസ്ഥനാണ് മൻസൂർ അഹമ്മദ് ബെയ്ഗ്.
ജവാന്റെ വീട്ടിൽ കടന്നു കയറിയ ഭീകരർ അദ്ദേഹത്തിനു നേരെ നിറയൊഴിക്കുകയായിരുന്നു. കുടുംബാംഗങ്ങൾക്ക് മുന്നിൽ വച്ച് സൈനികനെ തീവ്രവാദികൾ വെടി വച്ച് വീഴ്ത്തുകയായിരുന്നു. ജവാൻ പ്രത്യാക്രമണത്തിനു മുതിർന്നെങ്കിലും വെടിയേറ്റു വീണു. ഗുരുതരമായി പരിക്കേറ്റ അദ്ദേഹത്തെ ഉടൻ തന്നെ ആശുപത്രിയിലെത്തിച്ചെങ്കെലും ജീവൻ രക്ഷിക്കാനായില്ല.