തിരഞ്ഞെടുപ്പിന് മണിക്കൂറുകൾ മാത്രം ബാക്കി; തമിഴ്നാട്ടില് നിന്നും 428 കോടി വരുന്ന അനധികൃത പണവും സ്വര്ണവും പിടിച്ചെടുത്തു
Apr 5, 2021, 16:12 IST
ചെന്നൈ: നിയമസഭ തിരഞ്ഞെടുപ്പ് നടക്കാൻ മണിക്കൂറുകൾ മാത്രം ബാക്കി നിൽക്കെ തമിഴ്നാട്ടില് നിന്നും 428 കോടി വരുന്ന അനധികൃത പണവും സ്വര്ണവും പിടിച്ചെടുത്തു. തിരഞ്ഞെടുപ്പ് കമ്മീഷനാണ് ഇക്കാര്യം അറിയിച്ചത്.225.5 കോടിയുടെ പണവും 176.11 കോടി മൂല്യം വരുന്ന സ്വര്ണം ഉള്പ്പടെയുള്ള വസ്തുക്കളുമാണ് പിടിച്ചെടുത്തത്. കാരൂര്. കോയമ്പത്തൂര്, തിരുപ്പുര്, ചെന്നൈ എന്നിവിടങ്ങളില് നിന്നാണ് കൂടുതല് പണം പിടിച്ചെടുത്തതെന്ന് മുഖ്യ തിരഞ്ഞെടുപ്പ് ഓഫീസര് പറഞ്ഞു. സംസ്ഥാന തലസ്ഥാനമായ ചെന്നൈ ഉള്പ്പടെയുള്ള പ്രദേശങ്ങളിലാണ് റെയ്ഡുകള് നടന്നത്.