കാണാതായ എഎൻ-32 വിമാനത്തിന്റെ പൈലറ്റിന്റെ കുടുംബം രാജ്നാഥ് സിംഗിനെ സന്ദർശിച്ചു
Jun 7, 2019, 06:11 IST
ന്യൂഡൽഹി: വ്യോമസേനയുടെ കാണാതായ എഎൻ-32 വിമാനത്തിന്റെ പൈലറ്റിന്റെ കുടുംബം കേന്ദ്രപ്രതിരോധ മന്ത്രിയെ സന്ദർശിച്ചു. പൈലറ്റ് അഷിഷ് തൻവാറിന്റെ കുടുംബമാണ് രാജ്നാഥ് സിംഗിനെ സന്ദർശിച്ചത്. രാജ്നാഥ് സിംഗിന്റെ വസതിയിലായിരുന്നു കൂടിക്കാഴ്ച.
ജൂൺ മൂന്നിന് ആസാമിലെ ജോർഹട്ടിൽ നിന്ന് അരുണാചൽപ്രദേശിലെ മെൻചുകയിലേക്കു പോയ വിമാനമാണ് കാണാതായത്. എട്ടു ജോലിക്കാരും അഞ്ച് യാത്രക്കാരുമായിരുന്നു വിമാനത്തിലുണ്ടായിരുന്നത്.