നേമത്തെ കോമയിലാക്കാൻ അനുവദിക്കില്ല; മുഖ്യമന്ത്രിയുടെ പ്രസ്താവനയ്ക്ക് മറുപടിയുമായി കുമ്മനം
Apr 3, 2021, 18:08 IST
തിരുവനന്തപുരം: മുഖ്യമന്ത്രി പിണറായി വിജയന്റെ പ്രസ്താവനയ്ക്ക് മറുപടിയുമായി കുമ്മനം രാജശേഖരൻ. നേമത്തെ ബിജെപി അക്കൗണ്ട് എൽഡിഎഫ് ക്ലോസ് ചെയ്യുമെന്ന മുഖ്യമന്ത്രിയുടെ പ്രസ്താവനയ്ക്ക് മറുപടിയുമായി കുമ്മനം രംഗത്തെത്തിയത്. അക്കൗണ്ട് പൂട്ടുമെന്ന മുഖ്യമന്ത്രിയുടെ പ്രസ്താവന കോൺഗ്രസ്-സിപിഎം ധാരണയുടെ ഭാഗമാണെന്ന് കുമ്മനം പറഞ്ഞു. കോൺഗ്രസ്- മാർക്സിസ്റ്റ് ഒത്ത് ചേർന്ന് കോ-മ സഖ്യം തനിക്കെതിരെ പ്രവർത്തിക്കുന്നവെന്നും അദ്ദേഹം പറഞ്ഞു. മണ്ഡലത്തിൽ ശക്തമായ ത്രികോണ മത്സരമാണെന്നും ന്യൂനപക്ഷങ്ങൾ തനിക്കൊപ്പം നിൽക്കുമെന്നും കുമ്മനം രാജശേഖരൻ അവകാശപ്പെട്ടു.