അണ്ണാ ഡി.എം.കെ മന്ത്രിയുടെ ബന്ധുവീടുകളിൽ റെയ്ഡ്: പിടിച്ചെടുത്തത് ഒമ്പതു കോടി
ചെന്നൈ: അണ്ണാ ഡി.എം.കെ മന്ത്രി എം.സി. സമ്പത്തിന്റെ അടുത്ത ബന്ധുവായ ടി.എൻ.സി. ഇളങ്കോവന്റെ വസതികളിലും സ്ഥാപനങ്ങളിലും ആദായനികുതി വകുപ്പ് നടത്തിയ പരിശോധനയിൽ ഒമ്പത് കോടി രൂപയും സ്വർണവും രേഖകളും പിടികൂടിയതായി റിപ്പോർട്ട്. ശനിയാഴ്ച രാത്രി മുതൽ ചെന്നൈ ത്യാഗരായർ നഗറിലും ധർമപുരിയിലുമുള്ള വീടുകളിലും ഫിനാൻസ് അടക്കം വിവിധ ഇടങ്ങളിലാണ് റെയ്ഡ് നടന്നത്. തമിഴ്നാട് സിനിമ ഡിസ്ട്രിബ്യൂട്ടേഴ്സ് അസോസിയേഷൻ കൺവീനറാണ് ഇളങ്കോവൻ.തമിഴ്നാട് ആരോഗ്യമന്ത്രി വിജയ്ഭാസ്ക്കറുടെ ബന്ധുവീട്ടിൽനടന്ന റെയ്ഡിലും ഒരു കോടിയോളം രൂപയുടെ അനധികൃത സ്വത്ത് കണ്ടെത്തിയിരുന്നു.