ഈജിപ്തിൽ രണ്ട് ട്രെയിനുകൾ കൂട്ടിയിടിച്ച് അപകടം; 32 മരണം; 70ഓളം പേർക്ക് പരിക്ക്
Mar 26, 2021, 19:11 IST
കെയ്റോ: ദക്ഷിണ ഈജിപ്തിൽ ഒരു ട്രെയിനിന് പിന്നിൽ മറ്റൊരു ട്രെയിൻ ഇടിച്ചുണ്ടായ അപകടത്തിൽ 32 പേർ മരിച്ചു. അപകടത്തിൽ 66 പേർക്ക് പരിക്കേൽക്കുകയും ചെയ്തു. വെള്ളിയാഴ്ച സൊഹാഗ് പ്രവിശ്യയിലെ തഹ്ത ജില്ലയിലായിരുന്നു അപകടം നടന്നത്. ഒരേ ലൈനിൽ വന്ന ട്രെയിനുകളാണ് കൂട്ടിയിടിച്ചത്. മുന്നിൽപോയ ട്രെയിനിൽ ഒരാൾ അപായ ചങ്ങല വലിച്ചതാണ് അപകടത്തിനു കാരണമെന്നാണ് റിപ്പോർട്ട്.