ചികിത്സ കിട്ടാതെ രോഗി മരിച്ച സംഭവം; പോലീസ് കേസെടുത്തു
കോട്ടയം: കോട്ടയം മെഡിക്കല് കോളേജില് ചികിത്സ കിട്ടാതെ രോഗി മരിച്ചെന്ന പരാതിയിൽ പോലീസ് കേസെടുത്തു. കോട്ടയം ഗാന്ധിനഗർ പോലീസാണ് കേസെടുത്ത്. എച്ച്.വണ്.എന്.വണ് പനി ബാധിച്ച് ആശുപത്രിയിലെത്തിയ 62 വയസുകാരനായ കട്ടപ്പന സ്വദേശി ജേക്കബ് തോമസാണ് ചികിത്സ കിട്ടാതെ മരിച്ചത്. ബന്ധുകളുടെ പരാതിയിലാണ് പോലീസ് കേസെടുത്തത്. ശ്വാസതടസത്തെ തുടർന്നാണ് ജേക്കബ് തോമസിനെ ബുധനാഴ്ച മെഡിക്കൽ കോളജിലെത്തിച്ചത്.ആംബുലൻസിൽ രോഗിയെ മെഡിക്കൽ കോളജിൽ എത്തിച്ച വിവരം അത്യാഹിത വിഭാഗത്തിലെ ഡോക്ടർമാർ അറിഞ്ഞിരുന്നില്ലെന്ന് സൂപ്രണ്ട് നൽകുന്ന വിശദീകരണം. പിആർഒ ഇക്കാര്യം ഡോക്ടർമാരെ അറിയിച്ചില്ലെന്നും സൂപ്രണ്ട് പറഞ്ഞു. കാൻസർ ഇല്ലാത്ത യുവതിക്ക് കോട്ടയം മെഡിക്കൽ കോളേജിൽ കീമോതെറാപ്പി നടത്തിയത് നേരത്തെ വിവാദമായിരുന്നു. ഇതിനു പിന്നാലെയാണ് വീണ്ടും കോട്ടയം മെഡിക്കൽ കോളേജിൽ അനാസ്ഥ ഉണ്ടായത്സംഭവത്തിൽ അന്വേഷണത്ത് ആരോഗ്യമന്ത്രി കെ.കെ. ഷൈലജ ഉത്തരവിട്ടിട്ടുണ്ട്. മെഡിക്കല് വിദ്യാഭ്യാസ ഡയറക്ടര് അന്വേഷിച്ച് റിപ്പോര്ട്ട് നല്കണം എന്നാണ് നിര്ദ്ദേശം.