വടക്കൻ ഓസ്ട്രേലിയയിൽ വെടിവയ്പ്പിൽ നാലുപേർ കൊല്ലപ്പെട്ടു;ആക്രമി പിടിയിൽ
സിഡ്നി: വടക്കൻ ഓസ്ട്രേലിയയിൽ വെടിവയ്പ്പ്. ഡാർവിൻ നഗരത്തിലെ ഹോട്ടലിൽ നടത്തിയ വെടിവയ്പിൽ നാലുപേർ കൊല്ലപ്പെട്ടു. നാല്പത്തഞ്ചുകാരനായ അക്രമിയെ പോലീസ് പിടികൂടി. അക്രമത്തെ പ്രധാനമന്ത്രി സ്കോട് മോറീസൺ അപലപിച്ചു.ഹോട്ടലിലെ മുറികളിൽ കയറിയിറങ്ങി അവിടെ കാണപ്പെട്ടവരുടെ നേർക്ക് നിറയൊഴിച്ചശേഷം അക്രമി രക്ഷപെടുകയായിരുന്നു.. ഒരു മണിക്കൂറിനു ശേഷമാണ് ഇയാളെ പിടികൂടിയത്. ആക്രമണത്തിന്‍റെ കാരണം വ്യക്തമല്ല. സംഭവത്തിൽ അന്വേഷണം നടത്തിവരികയാണെന്ന് അധികൃതർ വ്യക്തമാക്കി.
