വോട്ടര്മാരെ സ്വാധീനിക്കാനുള്ള അവസരങ്ങള് തടയും: നിരീക്ഷകര്
Mar 15, 2021, 14:22 IST
കാസർഗോഡ്: നിയമസഭാ തെരഞ്ഞെടുപ്പില് വോട്ടര്മാരെ സ്വാധീനിക്കാന് അതിര്ത്തികള് വഴി പണം ,മദ്യം, മയക്കുമരുന്ന്, ആയുധം തുടങ്ങിയവ കടത്തുന്നത് തടയാന് അതീവ ജാഗ്രത പാലിക്കണമെന്ന് ഇലക്ഷന് കമ്മീഷന് നിയോഗിച്ച തെരഞ്ഞെടുപ്പ് ചെലവ് നിരീക്ഷകരായ എം.സതീഷ് കുമാര്, സഞ്ജയ്പോള് എന്നിവര് പറഞ്ഞു. തെരഞ്ഞെടുപ്പില് അതിര്ത്തി വഴി പണം കടത്തുന്നതിനും ചെലവഴിക്കുന്നതിനും സാധ്യതയുള്ള പ്രദേശങ്ങള് പ്രത്യേകം പരിശോധനയ്ക്ക് വിധേയമാക്കാന് നിരീക്ഷകര് നിര്ദ്ദേശം നല്കി. മുന്കാലങ്ങളെ അപേക്ഷിച്ച് ഏതെങ്കിലും പ്രദേശത്ത് കൂടുതല് പണം എത്തുന്നുണ്ടോയെന്ന് പരിശോധിക്കണം.