“പ്രതിഷേധിച്ചവർ പാർട്ടി അംഗങ്ങളല്ല’; പൊന്നാനിയിലെ പ്രതിഷേധക്കാരെ തള്ളി സിപിഎം
Mar 8, 2021, 18:55 IST
മലപ്പുറം: പൊന്നാനിയിലെ സിപിഎം സ്ഥാനാർഥി നിർണയത്തിനെതിരെ ഇന്ന് നടന്ന പ്രതിഷേധത്തിൽ പങ്കെടുത്തവർ പാർട്ടി അംഗങ്ങളല്ലെന്നു സിപിഎം. പാർട്ടി മലപ്പുറം ജില്ലാ സെക്രട്ടറി ഇ.എൻ. മോഹൻദാസ് ആണ് ഇക്കാര്യം അറിയിച്ചത്.പ്രതിഷേധ പ്രകടനം നടത്തിയത് പാർട്ടി അംഗങ്ങളല്ല. ഇനി പാർട്ടി അംഗങ്ങളോ അവരുടെ കുടുംബമോ ഇതിൽ പങ്കെടുത്തിട്ടുണ്ടെങ്കിൽ അത് തെറ്റിദ്ധാരണ മൂലമാണെന്നും അദ്ദേഹം പറഞ്ഞു. സ്ഥാനാർഥിയെ പ്രഖ്യാപിക്കുമ്പോൾ തെറ്റിദ്ധാരണ മാറും. പ്രകടനത്തെക്കുറിച്ച് പാർട്ടി അന്വേഷിക്കുമെന്നും മോഹൻദാസ് പറഞ്ഞു.