മലപ്പുറം ജില്ലയില് ഇന്ന് 176 പേര്ക്ക് കോവിഡ്
Mar 7, 2021, 18:25 IST
മലപ്പുറം :ജില്ലയില് ഇന്ന് 176 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇതില് 170 പേര്ക്ക് നേരിട്ടുള്ള സമ്പര്ക്കത്തിലൂടെയും രണ്ട് പേര്ക്ക് ഉറവിടറിയാതെയുമാണ് രോഗബാധ. കൂടാതെ വിദേശ രാജ്യത്ത് നിന്നെത്തിയ രണ്ട് പേര്ക്കും ഇതര സംസ്ഥാനങ്ങളില് നിന്നെത്തിയ രണ്ട് പേര്ക്കും ഇന്ന് വൈറസ് ബാധ സ്ഥിരീകരിച്ചിട്ടുണ്ട്.
ജില്ലയില് ചികിത്സയിലായിരുന്ന 286 പേരാണ് ഇന്ന് കോവിഡ് വിമുക്തരായത്. ഇതോടെ ജില്ലയില് രോഗമുക്തരായവരുടെ എണ്ണം 1,16,625 ആയി. 18,281 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 2,347 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്.