കളിക്കുന്നതിനിടെ അബദ്ധത്തിൽ ടാര് നിറച്ച വീപ്പയിലേക്ക് വീണ പെണ്കുട്ടിക്ക് രക്ഷകരായി അഗ്നിരക്ഷാസേന
കാസർഗോഡ്: കളിക്കുന്നതിനിടെ അബദ്ധത്തിൽ ടാര് നിറച്ച വീപ്പയിലേക്ക് വീണ പെണ്കുട്ടിക്ക് രക്ഷകരായി അഗ്നിരക്ഷാസേന. പെരിയ പൂക്കളത്തെ ബന്ധുവീട്ടിലെത്തിയ ഉദിനൂര് സ്വദേശിനിയാണ് കളിക്കുന്നതിനിടെ റോഡരികിലുണ്ടായിരുന്ന വീപ്പക്ക് മുകളില് കയറിയപ്പോള് മൂടി തുറന്ന് അകത്തേക്കുവീണത്. കഴുത്തോളം ടാറില് മുങ്ങിയ നിലയിലായതോടെ നാട്ടുകാര് വിവരം അഗ്നിരക്ഷ സേനയെ അറിയിക്കുകയായിരുന്നു.തുടർന്ന് ഫയര് ആന്ഡ് റസ്ക്യൂ ഓഫിസര് വി.എന്. വേണുഗോപാലിന്റെ നേതൃത്വത്തില് കാഞ്ഞങ്ങാട്ടു നിന്നെത്തിയ സേനാംഗങ്ങള് വീപ്പ മുറിച്ചുമാറ്റിയാണ് കുട്ടിയെ രക്ഷപ്പെടുത്തിയത്.