റിപ്പബ്ലിക് ദിനത്തിലെ ട്രാക്ടർ റാലി; അറസ്റ്റിലായ കർഷകന് ജാമ്യം
Mar 2, 2021, 18:55 IST
ന്യൂഡൽഹി: റിപ്പബ്ലിക് ദിനത്തിലെ ട്രാക്ടർ റാലിക്കിടെയുണ്ടായ അക്രമ സംഭവങ്ങളെ തുടർന്ന് അറസ്റ്റിലായ കർഷകന് ജാമ്യം നൽകി ഡൽഹി കോടതി. പ്രതിഷേധത്തിൽ പങ്കെടുത്ത ആഷിഷ് കുമാർ എന്ന കർഷകനാണ് കോടതി ജാമ്യം അനുവദിച്ചത്.പ്രതിഷേധത്തിനിടെ പോലീസുകാർക്കുമേൽ ട്രാക്ടർ ഓടിച്ചുകയറ്റാൻ ശ്രമിച്ചു എന്നായിരുന്നു ആഷിഷിനെതിരെ ഉണ്ടായിരുന്ന കേസ്. അതേസമയം,പോലീസുകാരെ ആക്രമിക്കാനോ കൊലപ്പെടുത്താനോ, കർഷകൻ ശ്രമിച്ചതിന് തെളിവില്ലെന്ന് നിരീക്ഷിച്ച കോടതി ജാമ്യം നൽകുകയായിരുന്നു.