കിണര് വൃത്തിയാക്കുന്നതിനിടെ ഇരുമ്പ് പൈപ്പ് പൊട്ടി ഉള്ളിൽ വീണു; കിണറ്റില് കുടുങ്ങിയയാളെ അഗ്നിശമന സേന രക്ഷപ്പെടുത്തി
വെഞ്ഞാറമൂട്: കിണറ്റില് കുടുങ്ങിയ ആളെ അഗ്നിശമന സേന രക്ഷപ്പെടുത്തി. ആലുന്തറ നാഗരുവിള വിട്ടില് സുമേഷ്(48) ആണ് കിണറ്റില് കുടുങ്ങിപ്പോയത്.ഞായറാഴ്ച വൈകീട്ട് 5.30 നായിരുന്നു സംഭവം നടന്നത് .
ഒരു സ്വകാര്യവ്യക്തിയുടെ കിണര് വൃത്തിയാക്കുന്നതിനിടെ കോരി മുകളിലേക്ക് തൊട്ടിയിലാക്കി കയറ്റിവിട്ട മണ്ണും ചളിയും കപ്പി കെട്ടിയിരുന്ന ഇരുമ്ബ് പൈപ്പ് പൊട്ടി കിണറ്റിനുള്ളിലേക്ക് തന്നെ വീഴുകയും സുമേഷിെന്റ ദേഹത്ത് വീണ് പരിക്കേല്ക്കുകയും ചെയ്തു. ഇതോടെ കരക്ക് കയറാന് കഴിയാത്ത അവസ്ഥയുമുണ്ടാവുകയും വീട്ടുകാര് വെഞ്ഞാറമൂട് അഗ്നിശമന സേനയെ വിവരമറിയിക്കുകയും ചെയ്തു.
തുടര്ന്ന് ഉടൻ തന്നെ അഗ്നിശമന സേനാംഗങ്ങള് എത്തി സുമേഷിനെ കരക്ക് കയറ്റി സമീപത്തെ ആശുപത്രിയില് പ്രവേശിപ്പിക്കുകയായിരുന്നു.