പെൺകുട്ടിക്കൊപ്പം നടന്നതിന് കണ്ണൂരിൽ പത്താം ക്‌ളാസ് വിദ്യാർഥിക്ക് ക്രൂരമർദനം; ആക്രമിച്ചത് ഓട്ടോ ഡ്രൈവറുടെ നേതൃത്വത്തിലുള്ള സംഘം
കണ്ണൂർ: ജില്ലയിലെ പാനൂരിൽ പത്താം ക്‌ളാസ് വിദ്യാർഥിക്ക് ക്രൂരമർദനം. ചെണ്ടയാട് സ്വദേശിയായ 15 വയസുകാരനാണ് മർദനമേറ്റത്. പെൺകുട്ടിക്കൊപ്പം നടക്കുന്നത് അവസാനിപ്പിക്കണമെന്നാവശ്യപ്പെട്ടായിരുന്നു ഒരു സംഘത്തിന്റെ മർദനം . തിങ്കളാഴ്ച ഉച്ചയ്ക്ക് പന്ത്രണ്ടരയോടെ ക്ലാസ് കഴിഞ്ഞ ശേഷം വീട്ടിലേക്ക് മടങ്ങുമ്പോഴാണ് മുത്താറിപ്പീടിക സ്റ്റാന്‍റിലെ ഔട്ടോ ഡ്രൈവറായ ജിനീഷ് ആണ് വിദ്യാർഥിയെ മർദിച്ചത്. ക്രൂരമായി മർദിക്കുന്നതിന്‍റെ സിസിടിവി ദൃശ്യങ്ങൾ പുറത്ത് വന്നിട്ടുണ്ട് . ഇയാളുടെ കൂടെ ഉണ്ടായിരുന്ന മറ്റു ഡ്രൈവർമാരും കുട്ടിയെ മർദിക്കുന്നത് ദൃശ്യങ്ങളിൽ കാണാം.തുടർന്ന് വീട്ടിലെത്തിയ വിദ്യാർത്ഥി മർദന വിവരം വീട്ടിൽ അറിയിച്ചതിനെത്തുടർന്ന് രക്ഷിതാക്കൾ പാനൂർ പൊലീസിൽ പരാതി നൽകി. സംഭവത്തിൽ ഓട്ടോ ഡ്രൈവർ ജിനീഷിനെതിരെ കേസെടുത്ത് അന്വേഷണം ആരംഭിച്ചതായി പാനൂർ പൊലീസ് അറിയിച്ചു.
